Misa, Liturhiya, Pagbasa, Awit sa
UwianUgnayYamanSinugboanonIlocanoCapampanganPangasinan


Ilocano Liturgical Resources


Ti Nasantoán a Misa


Padi: Iti nagan ti Ama ken ti Anak ken ti Espiritu Santo.
Gimong: Amen.

Padi: Ti Apo adda koma kadakayo.
Gimong: Kasta koma met kenka.

Padi: Kakabsat bigbigentay koma dagiti basbasoltayo
tapno maikaritay a makiranod kadagiti nasantoan a misterio.

Amin: Agkonfesarak iti Dios Ama
a mannakabalin amin.
Ken dakayo met kakabasat
ta siak nakabasolak iti panunut, sao, aramid
ken liwayko.

Basol ko, basol ko, basol ko unay.
Isu nga agpakpakaasiak
ken Santa Maria nga agnanayon a Virjen,
kadagiti amin nga Angheles ken Sasantos,
ken kadakayo met kakabsat
ta ikakaasidak koma iti Apo tayo a Dios.

Padi: Kaasiannatay koma ti Mannakabalin a Dios
ket kalpasan iti pannaka-pakawan dagiti basbasol tayo
ket ipannatayo ti biag nga agnanayon.

Gimong: Amen.

Apo, maasika

Apo, maasika.
Kristo, maasika.
Apo, maasika.

wenno
Kyrie eleison.
Criste eleison.
Kyrie eleison.

Gloria ití Diós ití kangatoán

Gloria ití Diós ití kangatoán
ket ditóy dagá kappia kadagití tattao
a naimbág ti panagnaknakemda.

Ibunannagdaká,
itán-okdaká,
pagrukbabandaká,
daydayawendaká,
agyámankam kenká
gapu ití naindaklan a dayagmo,
Apo Diós, nailangitan nga ari,
Diós Amá a manakabalín amin.

Apomi a Jesucristo,
Bugbugtóng nga anák ti Diós nga Apo,
Cordero ti Diós ken Anák ti Amá.
Siká a mangikkát kadagití basbasol ti lubong,
kaasiannakamí.
Siká a mangikkát kadagití basbasol ti lubong,
awatem kad daytóy ar-ararawmi.
Siká a situtugáw ití makannawán ti Amá,
kaasiannakamí.

Yantangay siksiká,
O Apo Jesucristo ti nasantoán,
Siksiká ti Apo,
Siksiká ti kangatoán,
Ití timpuyog ti Espiritu Santo,
Ití gloria ti Dios Amá. Amen.

Kararag ti Gimong

Padi: Kumararagtayo.

Gapu ken Kristo nga Anak mo ken Apomi.
Gimong: Amen.

Liturgia ti Saó ti Dios

Umuna a Maibasa

Ti maibasa naadaw ití ________________.

Kalpasan ti mabasa, kunaen ti agbasa:

Lektor: Ti sao ti Apo.
Gimong: Agyamantay ti Dios.

Ebanghelyo

Padi: Ti Apo adda koma kadakayo.
Gimong: Kasta koma met kenka.

Padi: Toy sumaganad naadaw ti nasantoan nga Ebanghelyo kas insurat ni San _____.
Gimong: Gloria ti maipaay kenka, O Apo.

Padi: Ti Ebanghelyo ti Apo.
Gimong: Dayaw ti maipaay kenka, O Cristo.

Mamati kamí ití maymaysá a Diyós

Mamati kamí ití maymaysá a Diyós,
ti Amá a mannakabalín amin,
a nangaramid ití langit ken dagá,
ken amin, a makita ken di makita.

Mamati kamí ití maymaysá nga Apo, Hesukristo,
bugbugtong nga Anák ti Diyós,
nagtaud ití Amá,
Diyós ití Diyós, Silaw ití silaw,
napaypayso a Diyós a nagtaud ití napaypayso nga Amá
nagtaud, saan a naaramid,
maymaysá ití sutansiyana ití Amá.
Gapú Kenkuana naaramid amin a bambanag.
Gapú kadatayó ken ti pannakaisalakan tayó,
bimmaba manipud sadi langit:
babaen ití pannakabalín ti Espiritu Santo
nagbalín a laság ken Birhen Maria,
ket nagbalín a tao.

Gapú kadatayó nailansa ití krus
idi panagturay ni Poncio Pilato;
nagtutuok natay ket naitanem.
Ití maikatlo nga aldaw, nagungar
kas maiyannurot ití nasantoán a Kasuratan;
immuli sadi langit
ket situtugaw ití makannawán ti Amá.
Umayto manen a sidadayag
a mangukom kadagití nabiag ken natay,
ket ti pagarianna dinto agpatingga.

Mamati kamí ití Espiritu Santo, ti Apo,
a mangmangted ití biag,
isu a nagtaud ití Amá ken Anák.
Maitimpuyog ití Amá ken Anák
a pagrukbaban ken pagdaydayawan.
Nagsao babaen kadagití Propeta.

Mamati kamí ití maymaysá a santa,
katolika ken apostolika a Simbaan.
Bigbigen mi ti maymaysá a buniag
a pakapakawanan dagití basbasol.
Inanamaen mi ti panagungar dagití natay,
ken ti biag ití lubong nga umay. Amen.

Homilia

Kararag a Sapasap


Apo, denggennakam kadi.

Liturgia ti Eukaristiya

Panangidaton

Gimong: Ti Apo awatenna koma dagitoy daton kadagita imam,
a pakaidaydayawan ken pakaiglorian ti naganna,
ken kasta met a pagimbagan tayo
ken ti kadagupan ti nasantoan nga iglesiana.

Maipanggep kadagiti Daton

Padi: . . .
Gapu ken Cristo nga Anakmo ken Apomi.
Gimong: Amen.

Ti Naindaklan A Panagyaman


Padi: Ti Apo adda koma kadakayo.
Gimong: Kasta koma met kenka.

Padi: Itag-ayyo dagita puspusoyo.
Gimong: Addadan a sitatag-ay iti Apo.

Padi: Agyamantayo ti Apo a Diostayo.
Gimong: Maikari ket rumbeng.

Padi: Pudno unay a maikari ket rumbeng
annongmi ket pakai-salakananmi
a dakami iti amin a tiempo ken disso,
agyamankam kenka,
Apo, nasantoan nga Ama,
mannakabalin ket agnanayon a Dios:

Anansata makidanggaykami kadagiti Angeles ken Arkangeles,
ken kadagiti amin a ejercito iti langit ket ikantami
ti imno ti pannakai-daydayawmo
ket konami a di agsarday.

Santo, santo, santo ti Apo,
a Diós dagiti amin a parsua.
Ti langit ken daga napnuda iti pakai-daydayawam.
Hosana ití kangatoán.
Madaydayaw ti umay ití nagan ti Apo.
Hosana ití kangatoán.

Padi: Iwaragawagtayo ti misterio iti pammati.
(Tungal iti daytoy…)
Padi: Iti ngarud panangilagipmi
iti ipapatay ken panagungar ni Cristo,
idatonmi kenka,
Apo,
ti tinapay iti biag,
ken ti kalis iti pannakai-salakan.
Agyamankam kenka ta impaaymo
a maikari kami nga adda’t ditoy saklangmo
ket agserbi kam kenka.
Dawatenmi, Apo,
ta dakami a makiranod iti Bagi ken Dara ni Cristo,
pagkaykaysaen-nakam koma iti Espiritu Santo.

Laglagipem kad, Apo,
ti Iglesiam a naisaknap iti sangalubongan,
ket pagrayrayem ti ayatna a nadiosan.
Laglagipem met ni Francisco a Papa mi,
ni __________ nga Obispomi,
ken dagiti amin a papadi.

Laglagipem pay Apo,
dagiti kakabsatmi a matmaturog a si-inanama iti panagungardanto
ken amin dagiti pimmusayen iti sidong ta kaasim.
Awatem kad ida iti sidong ti raniagmo a paka-kitaanda Kenka iti rupan-rupa.

Dawatenmi, Apo,
ta ipaaymo met ta kaasim kadakami.
Aramidem koma a maikarikam amin iti agnanayon a biag
ken mai-ranodkamto ken naingasatan a Virgen Maria
nga Ina ti Dios,
ni San Jose nga esposo na,
kadagiti nagasat nga Apostoles,
ken kadagiti amin a sasantos,
isuda a nakapudno a nagserbi Kenka ditoy daga.
Maki-kadduakamto kad met kadakuada
a mangitantan-ok ken mangidaydayaw Kenka.
Gapu ken Kristo nga anak Mo.

Padi: Gapu ken Kristo,
sikakaysa ken Kristo,
ken iti sidong ni Kristo,
iti timpuyog ti Espiritu Santo,
iruknoymi kenka,
mannakabalin nga Ama,
ti amin a dayaw ken gloria,
iti agnanayon nga awan ti inggana.

Amen.

Ti Rito ti Comunion

Amami

Padi: Datayo a nabalakadan kadagiti makai-salakan a pamagbaga,
ken naadalan kadagiti nadiosan a panursuro, turdantayo ti agkanta.

Amámi nga addá’t sadi langit
madaydayaw komá ta Nagan mo,
umay komá ta pagariam,
maaramid komá ta pagayatam
ditoy daga a kas met sadi langit.

Itdem kadakam ti taraon mi nga inaldaw.
Pakawanen na kam kadagití basbasol mi,
a kas met ití inkam panangpakawán
kadagití nakabasol kadakamí.
Ket dinakam baybay-an
nga umannugot ití sulisog,
no di ket isalakan na kam ití amin a dakes.

PADI: Dawatenmi kenka, Apo,
ta isalakannakami iti amin a pagdaksanmi.
Itdem kad a si-aayat ti kappia kadagiti aldawmi,
ket babaen ti pannulong ta kaasim kadakami,
kankanayon koma laeng nga iti basol mailisikami,
ken ti amin a riribuk maikanawa kami,
kabayatan ti panagur-uraymi iti kinagasat a namnamaenmi,
ken ti yaay ni Jesu Cristo a Nangisalakan kadakami.

GIMONG: Ta kukuam ti turay,
ti pannakabalin ken dayaw,
iti agnanayon a dinto agsarday.

PADI: O Apomi a Jesu Cristo,
kinonam kadagiti Apostolesmo:
“Kappia iti ibatik kadakayo,
kappia nga aggapu kaniak ti itedko kadakayo.”
Saan kad a dagiti basbasolmi iti mingmingam
nu di ket ti pammati iti Iglesiam.
Ket kas mayannurot iti pagayatam,
ipaaymo kad a si-aasi kenkuana ti kappia ken panagkaykaysa.
Sika ti agbiag ken agari iti agnanayon nga awan inggana.
Gimong: Amen.

Padi: Ti kappia iti Apo, kankanayon koma nga adda kadakayo.
Gimong: Kasta koma met Kenka.

Padi: Ipaayyo ti kappia iti maysa ken maysa kadakayo.

Kordero ti Dios

Komunyon

Padi: Adtoy ti kordero ti Dios,
adtoy ti mangikkat kadagiti basbasol ti lubong,
nagasat dagiti naayaban ti padayana.

Gimong: Apo, diak maikari nga umay Ka kanyak,
ngem iti maysa laeng a saom,
mapa-imbag ton toy kararuak.

Padi: Kumararagtayo.
Gimong: Amen.

Kauudian a Bendision

Padi: Ti Apo adda koma kadakayo
Gimong: Kasta koma met Kenka.

Padi: Bendisionan nakay koma ti agnanayon a Dios:
Ti Ama,
ken ti Anak,
ken ti Espiritu Santo.
Gimong: Amen.

Padi: Nalpasen ti Misa, inkayon iti kappia ti Apo.
Gimong: Agyamantay ti Dios.


Ilocano Liturgical Resources

Nasantoan a Misa, Ti Nasantoan a Misa, Ilokano Mass, Ilocano Mass, Ilokano Liturgy, Ilocano Liturgy, Misa a Ilokano, Misa iti Ilocano, Liturhiya iti Ilokano, Liturhiya a Ilocano
Misa iti Ilocano, Ilocano Order of Mass, Ilocano Ordinary of the Mass
Please pray for our work and make a donation. Please help. Agyamankami, apo.



Ang Aming Pakay: Mga yaman ng Litúrhiyang Tagalog | Litúrhiyang Filipino sa paghahandâ ng lingguhang pagdiriwang sa Misang Tagalog | Misang Filipino, sa Eukaristiya, ng pagliligtás ni Hesús sa atin: mga awit, salmong Tagalog, salmong Filipino, pagbasa sa Filipino | Tagalog.

Our mission: Filipino liturgy | Tagalog liturgy resources for preparing for the Tagalog Mass | Filipino Mass, the weekly celebration in the Eucharist of our redemption by Jesus: Tagalog hymns, Tagalog songs, Tagalog psalms, Tagalog readings, Filipino hymns, Filipino songs, Filipino psalms, Filipino readings, Pilipino hymns, Pilipino songs, Pilipino psalms, Pilipino readings for the Tagalog Eucharist, Filipino Eucharist.
Karapatáng-sipì © 2006-2022 Magsimba Press. Vic Romero, Editor. Nakabukód lahát ang karapatán. All rights reserved. Since 2006-08-04. Write to us at right arrow info@magsimba.com. Dumadalaw kayó mulâ sa IP 44.200.196.114